Kituo cha Uwekezaji Tanzania (TIC) kimesajili miradi ya uwekezaji 901 yenye thamani ya dola bilioni 9.3 sawa na Sh23.01 trilioni mwaka 2024, ikiongezeka kwa asilimia 41.6 ikilinganishwa na mwaka 2022, kulingana na Mwenyekiti wa Bodi ya TIC, Dkt. Binilith Mahenge.
Akizungumza wakati wa ziara yake katika mgodi wa dhahabu wa Mwamba uliopo Nyarugusu, mkoa wa Geita, jana, Dkt. Mahenge alisema ukuaji huo umetokana na juhudi za serikali kuboresha mazingira ya uwekezaji kwa kushirikiana na TIC.
Mgodi wa Mwamba unamilikiwa kwa pamoja na wawekezaji wa ndani na wa nje.
Dkt. Mahenge alibainisha kuwa TIC ilisajili miradi 18 ya uwekezaji yenye thamani ya dola milioni 969 (Sh2.4 trilioni) mwaka 2024 katika mkoa wa Geita pekee, na inalenga kusajili miradi 50 mwaka huu.”Mazingira bora ya uwekezaji, pamoja na sheria ya uwekezaji ya mwaka 2022 ambayo iliondoa vikwazo kadhaa, yamehimiza kwa kiasi kikubwa usajili wa biashara,” alisema.
Aliwataka Watanzania kuchangamkia huduma za TIC ili kusajili miradi yao na kunufaika na fursa mbalimbali za uwekezaji katika biashara, kilimo, na uvuvi. TIC inalenga kusajili miradi 1,500 mwaka 2025.
