Alexander Isak, mshambuliaji wa Sweden anayekipiga Newcastle United, amekuwa akihusishwa na uhamisho kutokana na kiwango chake bora. Msimu huu tayari amefunga mabao 17 kwenye Ligi Kuu ya England baada ya kufunga mabao 21 msimu uliopita
Vilabu kama Arsenal wamelenga kupata huduma ya Isak kama shabaha yao kuu ili kuimarisha safu yao ya ushambuliaji. The Gunners wapo tayari kutoa ofa kubwa, huku Newcastle wakidai ada ya takriban £120 milioni kwa mshambuliaji huyo. Uwezekano wa Isak kuondoka Newcastle mwishoni mwa msimu ni mkubwa, hasa kama hawatafuzu mashindano ya Ligi ya Mabingwa Ulaya.
Newcastle wanataka kumbakisha Isak na wanajaribu kumwongezea mkataba, ambao kwa sasa unamalizika mwaka 2028. Lakini kama hawatapata nafasi ya kucheza Ligi ya Mabingwa, wanaweza kuridhia kumuuza.
Mbali na Arsenal, Chelsea na Barcelona pia wanamfuatilia Isak. Hata hivyo, Barcelona wanakumbwa na matatizo ya kifedha, na pia kuna uwezekano wa Lewandowski kusalia kwa muda mrefu. Liverpool pia wanamwangalia kwa karibu, lakini uhamisho wake utategemea hali ya kikosi chao kwa wakati huo.
Newcastle wanataka kumbakisha Isak, lakini mustakabali wake utategemea nafasi yao mwishoni mwa msimu na uwezo wa kifedha wa vilabu vinavyomtaka.
