Rais wa Marekani Donald Trump alitoa pendekezo la kuwahamisha Wazungu wa Afrika Kusini kama wakimbizi wanaokimbia uonevu, lakini pendekezo hilo huenda likababisha shinikizo kubwa kama ilivyotarajiwa, kwani vikundi vya watetezi wa haki za Wazungu bado vimejikita katika “kukabiliana na ukosefu wa haki wa utawala wa Watu Weusi katika nchi hio.”Ijumaa, Trump alitia saini amri ya utekelezaji ambayo ilipunguza misaada ya Marekani kwa Afrika Kusini, akilenga sheria ya kunyang’anywa kwa ardhi iliyotiwa saini mwezi uliopita na Rais Cyril Ramaphosa.
Sheria hiyo inalenga kurekebisha ukosefu wa usawa wa kihistoria katika umiliki wa ardhi unaotokana na historia ya Afrika Kusini ya utawala wa Wazungu. Amri ya Trump inajumuisha masharti ya kuwahamisha “Waafrikaani (Walowezi) nchini Afrika Kusini ambao ni wahasiriwa wa ubaguzi wa kijamii usio na haki” kama wakimbizi nchini Marekani.
Walowezi, ambao kwa kiasi kikubwa ni wazawa wa Wazungu wa kwanza kutoka Uholanzi na Ufaransa, wanamiliki sehemu kubwa ya ardhi ya kilimo nchini humo.”Kama huna shida yoyote hapa, kwa nini ungependa kuondoka?” aliuliza Neville van der Merwe, mzee wa miaka 78 aliye na pensheni kutoka Bothasig, karibu na Cape Town.
“Hakujakuwa na shida yoyote kubwa ya watu kuchukua ardhi yetu. Maisha yanaendelea kama kawaida, kwa hivyo mtu angefanya nini huko?” aliongeza.
Sheria iliyotiwa saini na Ramaphosa inalenga kushughulikia tofauti za kijamii katika umiliki wa ardhi, huku robo tatu ya ardhi ya kibinafsi nchini Afrika Kusini bado ikiwa mikononi mwa wachache Wazungu. Sheria hii mpya inalenga kurahisisha kunyang’anywa kwa ardhi na serikali kwa maslahi ya umma, sera ambayo Ramaphosa ameiunga mkono kwa nguvu.
Kulingana na takwimu za serikali, Wazungu wa Afrika Kusini wanachangi asilimia 7.2 ya idadi ya watu wa nchi hiyo ya milioni 63. Takwimu hizo hazionyeshi ni wangapi kati ya hao wanajitambulisha kama Waafrikania.
Wakati wa utawala wa kikoloni wa Uingereza, sehemu kubwa ya ardhi ya kilimo iligawiwa kwa walowezi Wazungu. Mwaka 1950, chini ya mfumo wa ubaguzi wa rangi (apartheid), Chama cha Kitaifa kwa nguvu kilichukua asilimia 85 ya ardhi, na kuwafukuza Watu Weusi milioni 3.5 kutoka makwao.Chama cha African National Congress (ANC), ambacho ni chama kikuu katika muungano wa serikali, kimeshutumu Trump kwa kueneza habari potofu zinazosambazwa na AfriForum, kikundi cha ushawishi kinachoongozwa na Walowezi.
